噢...我諗套戲其實想叫做 "My Blueberry Pie" 奈何 "American Pie" 太深入民心 (點解關事?)。本身Blueberry Pie係每日Jude law賣唔出的pie，其他pie都賣得出，只有Blueberry Pie賣唔出，好灰。又，點解無人買都仲日日整呢??? 如果整 blueberry muffin 可能會有人買。我見 Pacific Coffee 嘅blueberry muffin 都有幾多人買來吃丫。 再講，大佬呀 Jude law 唔似識整餅囉...咁靚仔整嘅餅，你話一件值幾多錢...I mean 男朋友學整餅送給女朋友吃的那種 (可能超難吃)。
上文提到，因為Natalie Portman 有份做，所以走了去看這部電影。用一個字來形容她 － Seductive。電影大概去到一半 ，Norah Jones 在賭場遇到Natalie Portman。(之前有數分鐘睡眠窒息症發作，訓左，咩事?!) 一比較之下，看得其中一個是Professional Actress。Natalie Portman 完全無用 V.O. (Voice Over)，可以看到她發揮出的演技。Norah Jones 側以第一身出發，好似要靠V.O. 來輔助講故事。Anyway, Norah Jones 做得不算差。不過成日凝住佢唱歌出身，唔高，重有啲baby fat添。
視覺效果，一貫王家衛嘅色調。夜晚既燈光同顏色都無問題，不過日頭嘅戲好似掌握得唔係咁好。聲音效果，背景聲太過出。戲裡面無乜邊首歌特別好聽，但我發現Norah Jones唱歌把聲同講野把聲好唔同。(離題：謝安琪做電台訪問把聲同唱歌把聲都好唔同。) 對白，好似忽略左對白呢PART。關於Jude Law，我只係想講，你比啲咁嘅衫佢著，型都變唔型。嗯，最後是Posterl裡兩個人喺bar檯上倒轉Kiss 的一幕。
完
